न्हू पुचःया न्हूगु ज्यासना पुचः
येँ(नेपालभाषा टाइम्स)÷थनया भिंद्यः त्वालय् च्वंगु न्हू पुचःया झिंछक्वःगु तःमुँज्यां जुल । उगु तःमुँज्यां पुचःया न्हूगु ज्यासना पुचः ल्यःगु खः । भाषिक व सामाजिक गतिविधिइ सक्रिय पुचःया आः नकतिनि जूगु तःमुँज्यां पुचःया झिंछक्वःगु न्हूगु ज्यासना पुचः ल्यःगु खः ।
पुचःया नायः मनरत्न शाक्यया सभापतित्वय् जूगु ज्याझ्वलय् पुचःया छ्याञ्जे नविन रंजितं प्रगति प्रतिवेदन व दांभरिं कपिल कपालीं आर्थिक प्रतिवेदन न्ह्यब्वयादीगु खः । निगुलिं प्रतिवेदनय् सहलह यानाः पारित याःगु खःसा अनंलि न्हूगु ज्यासना पुचः ल्यःगु खः ।
न्हूगु ज्यासना पुचलय् सकलें सर्वसम्मतिं ल्यःगु खःसा न्हूगु ज्यासना पुचलय् नायः मनरत्न शाक्य, न्वकु धर्मरत्न वज्राचार्य, छ्याञ्जे नविन रंजित, दांभरिं विजयकुमार रंजित, लिउ छ्याञ्जे रितु स्थापित च्वनादीगु दु ।
थुकथं हे दुजलय् सूर्यमान डंगोल, भरतरत्न तुलाधर, मंगला महर्जन, कपिल कपाली, ललिता महर्जन व सुजन स्थापित च्वनादीगु दु ।
उगु इलय् पुचलय् न्हू दुहां वःपिं जःपिंत सदस्यताया सपथ ग्रहण नं याकूगु खः । थुगु पुचलं दँय्दसं स्वन्ति नखःया इलय् मचा ब्वाज्या कासा, लिपि स्यनेज्या लिसें मेमेगु ज्याझ्वःत याना वयाच्वंगु दु ।
LEAVE YOUR COMMENTS