नेमकिपां लेनिन जयन्ती हन

ख्वप –  नेपाल मजदुर किसान पार्टी केन्द्रीय समितिं १४८ क्वःगु लेनिन जयन्ती विचाः मुँज्या यासें हन । ज्याझ्वलय् नेमकिपाया सचिव सांसद प्रेम सुवालं निरन्तर अध्ययन व आन्दोलन यानाः वर्तमान इलय् बहुमत कम्युनिष्ट सदनय् खने दयाच्वंगु इलय् कम्युनिष्टतय्सं आः क्रान्तिइ वनेमाःगु खँय् थःगु धारणा न्ह्यब्वयादिल ।

नेमकिपाया केन्द्रीय सदस्य सरोजराज गोसाईनं सामन्ती व पूँजीवादी ब्यवस्थाय् वनाः कम्युनिष्टतय्सं थःगु उद्देश्य पूवंके फइमखु धयादिल । उगु ज्याझ्वलय् नेमकिपाया मेम्ह केन्द्रीय सदस्य व नेपाल क्रान्तिकारी महिला संघया केन्द्रीय अध्यक्ष अनुराधा थापामगरं म्हो इलय् मदुम्ह खःसां लेनिनया कलाः नाजिदां यानाक्यंगु योगदानयात कयाः च्वछायादिल ।

नेमकिपाया बैकल्पिक केन्द्रीय सदस्य व नेपाल क्रान्तिकारी सांस्कृतिक संघया अध्यक्ष सुरेन्द्रराज गोसाईनं सिरिया लगायतया देसय् अमेरिकां याःगु आक्रमणयात सारा विश्वया युवा शत्तिंm बिरोध यायेमाःगु खँ कनादिल । उगु ज्याझ्वलय् नेमकिपाया बैकल्पिक केन्द्रीय सदस्य राजेन्द्र चवालं लेनिन ब्यक्ति हत्याया बिरोधय् लगे जूगु खँ कनादिल ।

नेपाल क्रान्तिकारी विद्यार्थी संघया केन्द्रीय अध्यक्ष नीरज लवजूं माक्र्सवादया स्वंगू श्रोतत दर्शन, अर्थ व समाज बारे कनादीगु ज्याझ्वः नेमकिपाया मेम्ह केन्द्रीय सदस्य रविन्द्र ज्याख्वं न्ह्याकादीगु खःसा मूपाहां कथं नेमकिपाया केन्द्रीय सदस्य बुद्धिकुमार गोसाईं झायादीगु खः ।

नेपालभाषा टाइम्स

च्वमिया मेमेगु

• थुगुसी नं वीरेन्द्रभक्तं म्ये प्वाः खंकीगु
• एकेदमिपाखें स्वंगू सफू पितब्वज्या
• युवा बौद्ध पुचलं धर्मरत्न लुमंकल
• भिक्षु बोधिसेन न्हूम्ह संघनायक पदस्थापन
• भ्वतय् नेपालभाषा ब्वंकेगु बारे सहलह