बुँख्याचा

पुष्प मुनंकर्मी

माकःचिया जा स्यंकाः
बँय् थानाच्वंगु छफि धू हुइकाः
भजन हालेगु ज्या न्ह्यात
संयुक्त राष्ट्रसंघया सभा हलय्

शक्ति राष्ट्रया नं शक्ति राष्ट्रं
बिल भजनया भाका
मेपिं राष्ट्रतय्सं कोरसय् सः तल
भक्तीमय जुल राष्ट्र संघया सभाहल
मंचय् क्वय् च्वनाः स्वयेत विवश जूपिं
मयःसां ल्हापा थानाच्वन
टि।भि।, रेडियो अले सामाजिक सञ्जालं
प्रत्यक्ष प्रशारण याना च्वन

उखे प्यालेस्टाइन
थःगु हे भूमिइ लित्तुलिकाः च्वनेमाःगु जक मखु
थःगु हे भूमिइ स्याका च्वनेमाःसां
न त राष्ट्रसंघ अन वल
न त क्यामेरां फोकस यात
लुटेरां लुटेरा शहर बिस्तार यानाच्वंसां
यु। एन्। या हेल्मेट पुयातःम्ह बुँख्याचा दना जक च्वन
पशुपंक्षीत तक नं ग्याना बिस्यु वने धुंकल
बिस्फोटया सलं
थबले हे छ्वम्र्हुयावःगु लाश अले क्वाःगु हि
बुँख्याचाय् लात
हत्तपत्त वँचूगु कापतं त्वपुया बिल
हिया पुखुली लानाच्वंम्ह बुँख्याचायात
अले चिल्लाय् दन
आतंक, आतंककारी, आतंकवादीया पगरी पुइकाः
तर थःगु भूमि लुटेयायेत वःपिनिगु विरुद्धय् ल्वाःपिं
आतंकवादी ?
लुटेरात शान्तिकामी जुइगु रुरु

नेपालभाषा टाइम्स

च्वमिया मेमेगु

• नेवाः समुदायया अर्गानिक चकलेट ‘चाकु’
• ख्वपय् सम्यकया तयारी
• तोखाय् घ्यःचाकु संल्हूकुन्हु चाकु दिवस
• आयुसंस्कार परित्याग दिवसयात कयाः सहलह
• अर्घाखाँची नेवाः समाजया साधारणसभा व अधिवेशन