च्वमि महर्जनया फाटिएको प्रतिवद्ध मन

येँ – ल्याय्म्हम्ह च्वमि श्यामकृष्ण महर्जनं च्वयादीगु लघु उपन्यास ‘फाटिएको प्रतिवद्ध मन’ छगू ज्याझ्वःया दथुइ पितब्वज्या जुल । च्वमिया अबु दबलमान महर्जनया सभापतित्वय् जूगु ज्याझ्वलय् नेपाःया राष्ट्रिय गानया च्वमि ब्याकुल माइलां सफूया पितब्वज्या यानादीगु खः ।

रुपा महर्जनं लसकुस यानादीगु ज्याझ्वलय् सफू पिथनेत थीथीकथं ग्वाहालि यानादीपिंत मतिनाया चिं मूपाहां ब्याकुल माइलां लःल्हानादीगु खः । ज्याझ्वलय् नवासें सफूया च्वमि महर्जनं सफू मिया वःगु ध्यबा मध्ये ३ प्रतिशत सतक मस्तय्त शिक्षा बिया वयाच्वंगु ‘सडकबाट घर’या ज्याझ्वःयात लःल्हायेगु उद्घोष यानादीगु खः ।

येँ मनपा १५ वडा सदस्य आनन्दराम गौतम, लिटिल बुद्ध एकेदमिया प्राचार्य नारायणकुमार कार्की लगायतं सफूया थीथी पक्षयात कयाः नुगःखँ प्वंकादीगु ज्याझ्वलय् थीथी सांस्कृतिक ज्याझ्वः नं न्ह्यब्वःगु खः ।