न्यौपानेया नेपालभाषा सफू विमोचन

येँ – गैर नेवाः खयां नं नेपालभाषाया विकास व प्रगतिया लागिं यक्वं कुतः यानादीम्ह साहित्यकार लिसें शिक्षाविद् मदुम्ह केदारनाथ न्यौपानेया निगू सफू शुक्रवाः विमोचन जुल । केदारनाथ स्मृति प्रतिष्ठानया ग्वसालय् जूगु ज्याझ्वलय् जनकवि दुर्गालाल श्रेष्ठं निगुलिं सफू विमोचन यानादीगु खः ।

येँय् मिसापिंत जक आखः ब्वंकीगु कन्यामन्दिर स्कूल स्थापना यायेत गहन भूमिका म्हितादीम्ह भाजु न्यौपानें न्यय्दँ च्वयादीगु ‘केहेँयात पौ’ व ‘झी फुक्कं स्वतन्त्र खः !’ सफू आः वयाः च्वसापासां पिथंगु खः । भाजु न्यौपाने वि.सं २०१३ सालय् च्वसापासाया निर्वाचित छ्यांज्ये नं खः ।

ज्याझ्वलय् जनकवि श्रेष्ठ लिसें च्वसापासाया नायः भूषणप्रसाद श्रेष्ठ, ललितकला प्रतिष्ठानया कुलपति लिसें नांजाःम्ह कलाकार केके कर्माचार्य, च्वमि आर. मानन्धर, न्यौपानेया तःधीम्ह काय बासुदेव न्यौपाने व प्रतिष्ठानया नायःपिंसं नं नवानादीगु खः ।

नेपालभाषा टाइम्स

च्वमिया मेमेगु

• एनपिएलय् न्हापांगु शतक, पोखरा व कर्णाली त्यात
• भाषा कानुनय् ढिलासुस्ती
• छायादेवी कम्प्लेक्सया अन्तिम फैसला मंसिर २४ गते छेँ थुनेमाःगु दावी अझ क्वातुल
• भगवान बुद्धया पाजुपिनि नगरय् उत्खनन्
• ३३ दँ लिपा मंकाः खलःया स्वक्वःगु तःमुँज्या रमेशमान पिया न्हूम्ह नायः