अन्तर विद्यालय एकायन कराते क्वचाल

येँ(नेपालभाषा टाइम्स)- नेपाल एकायन कराते संघ कंकेश्वरी शाखाया ग्वसालय् जूगु न्हय्क्वःगु अन्तर विद्यालय एकायन करातेय् क्वचाल । मरुहितिइ च्वंगु शान्ति निकुञ्ज माध्यमिक विद्यालयय् मिसा व मिजं यानाः झिगू तौल समूहया उगु कासा जूगु खः ।

मिजंतय् २५ केजी तौलं क्वय्या समूहय् अरुण लामा (जगतसुन्दर), सन्देश मोक्तान (अमरज्योति), विवेक जैसी (शान्ति निकुञ्ज), सौरभ सुना (दीपशिाखा) छसिकथं न्हाप, लिउ, लियांलिउ व हःपाः लाःगु खः। अथे हे ३० केजी क्वय्या तौल समूहय् प्रविण श्रेष्ठ (शान्ति निकुञ्ज), सन्दीप तामाङ (दीपशिखा), सायन भुजेल (शन्ति निकुञ्ज), गौतम सुनार (दीपशिखा) न्हाप, लिउ, लियांलिउ व हःपाः लाःगु खः । थुकथं हे ३५ केजी तौलं क्वय्या समूहय् सुदिप बराम न्हाप, आकाश थापा लिउ व निश्चल तामाङ लियांलिउ व सिमान्त थापामगर प्यंगूगु थासय् लाःगु दु ।

कासाय् ४० केजी क्वय्या तौल समूहय् सुवास ठकुरी, रमित भुजेल, डेविङ शेर्पा व समृद्ध राई, ४५ केजी क्वय्या तोल समूहय् पन तामाङ, दिनेश लाखे, अनमोल श्रेष्ठ, मनिक न्यौपाने छसिकथं न्हाप, लिउ, लियांलिउ व प्यंगूगु थासय् लाःगु दुसा ५० केजीं क्वय्या तौलय् समिर दर्लामी मगर, आरभ सिलवाल,गोकर्ण मुखिया व अभय शाही व खुल्ला तौल समूहय् केवल श्रेष्ठ, समिर गुरुङ, बुद्ध तामाङ व तावेसोर चौधरी छसिकं न्हाप, लिउ, लियांलिउ व प्यंगूगु थासय् लाःगु दु ।

मिसातय्पाखे ४० केजी क्वय्या तौलय् विपना घिसिङ, युना देउला, आयुषा तामाङव कशिस बस्नेत, ४५ केजी क्वय्या तौलय् समिता चेपाङ, सुप्रिया तामाङ, सुरक्षा शाही ठकुरी, एन्जल शेर्पा न्हाप, लिउ, लियांलिउ व प्यंगूगु थासय् लाःगु दुसा मिसातय् खुल्ला तौल समूहय् एलिजा चौधरी न्हाप, इलिया थापा लिउ, मिसेल लामा लियांलिउ व सोयु लामा प्यंगूगु थाय् ालःगु दु ।

थीथी विद्यालयया मिसा व मिजं यानाः १२५ म्ह कासामिपिंसं ब्वति काःगु कासाय् पदक त्याकादीपिं कासामिपिंत बागमति प्रदेशया प्रदेशसभा सदस्य शैलेन्द्रमान वज्राचार्य व शान्ति निकुञ्ज माध्यमिक विद्यालयया प्रधानाध्यापक राधेश्यामं ट्रफी, पदक व प्रमाणपत्र लःल्हानादीगु खः ।