लाइपजिग बल्ला:गु स्थितिइ

बर्लिन (एजेन्सी) – डानी ओल्मों निगू मिनेट दुने निगू गोल यायेवं जर्मन बुंडेसलिगाय् आरबी लाइपजिगं होफेनहामइमात शुक्रवा: २-० बुकूगु दु । थ्व कासा त्यायेवं लाइपजिगं निगूगु थासय् च्वंगु बोरुसिया डर्टमुन्डनापया अन्तर छगू ल्याखय् क्वका:गु दु । लाइपजिगया ६२ ल्या: जूगु दु । थ्व स्थितिइ लाइपजिग मेगु सिजनया युरोपेली च्याम्पियन्स लिगय् छनोट जुइगु निश्चित थें जूगु दु । थुगुसी नं वं च्याम्पियन्स लिगया क्वाटरफाइनल म्हितिगु निश्चित याये धुंकूगु दु ।