प्रदेशया नां पहिचानया आधारय् हे तयेमाःगु खः – महामन्त्री थापा

येँ (नेपालभाषा टाइम्स)- नेपाली कांग्रेसया महामन्त्री गगन थापां प्रदेशया नामाकरण पहिचानया आधारय् जुल धाःसा देशय् ब्वलनाच्वंगु सामाजिक द्वन्द्व चीके फइगु खँ धयादीगु दु । म्हिगः पार्टी ज्याकू सानेपाय् मदुम्ह नेता प्रदिप गिरीया लुमंति ज्याझ्वलय् न्ववायेगु झ्वलय् वय्कलं उगु खँ धयादीगु खः ।

महामन्त्री थापां छुं न्हि न्ह्यः जक थः झापा व इलाम वना वइगु धासें कोशी प्रदेश नामाकरणया विषययात कयाः स्थिति झन स्वत्तुमत्तु स्वःगु खँ धासें मदुम्ह गिरीं संविधान दयेकेगु झ्वलय् तःगु बिचाःयात जक स्वयेगु खःसा नेपाःया संघीयतायात न्ह्यःने यंकेगु विषयया सन्दर्भय् कांग्रेस थेंज्याःगु मुल राजनीतिक पार्टीं पहिचानया खँयात प्राथमिकता बीमाःगु खँ धयादिल ।

प्रदेश १ या नां कोशी तयेगु पक्षय् कांग्रेसं मत बिल धकाः नं कडा आलोचना जुयाच्वंगु दु ।