त्यंगः त्वाः मिसा पुचःया दँमुँज्या
येँ(नेपालभाषा टाइम्स)÷ त्यंगः त्वाः मिसा पुचःया दँमुँज्या वंगु शनिवाः जुल । त्यंगः त्वाः खलः गणेद्यः गुथि अन्तर्गतया पुचःया दँुमुँज्याया उलेज्या मूपाहां त्यंगः त्वाः नायः धनबहादुर तिमिलां त्वाःदेवाय् मत च्याकाः यानादीगु खः ।
दँमुज्याय् मिसा पुचःया लिउ छ्याञ्जे सुमित्रा महर्जनं वार्षिक प्रगति विवरण व दांभरिं मैयाँ महर्जनं आर्थिक विवरण न्ह्यब्वयादीगु खः । ज्याझ्वलय् मिसा पुचलं थीथी इलय् याःगु ज्याझ्वःयात ग्वाहालि यानादीपिं नानीकाजी महर्जन, बालकृष्ण महर्जन, मणिकन्ठ महर्जन, पुष्प महर्जन व राजीव डंगोलयात हनेज्या नं याःगु खः ।
उगु ज्याझ्वलय् त्यंगः त्वाःया न्याम्ह थाकुलि छसिकथं तीर्थनारायण महर्जन, देवनारायण महर्जन, कृष्णनारायण महर्जन, पंचनारायण महर्जन व तिर्थ महर्जनलिसें त्वाः गुरु धर्मरत्न महर्जन, खलःया निवर्तमान नायः कुलबहादुर महर्जन, त्यंगः त्वाः ल्याय्म्ह पुचःया नायः राजीव डंगोल पाहांकथं झायादीगु खः ।
पुचःया नायः नानीहिरा महर्जनया सभापतित्वय् जूगु दँमुँज्याय् वय्कलं त्यंगः त्वाःपाखें न्यायेकीगु थुगुसीया ज्यापु दिवस तःजिक हनेया निंतिं त्वाःया सकल म्ह्याय्मस्त व भौमस्तय् मुँज्या यायेगु नापं नेवाः संस्कार संस्कृतिया बारे नं दुुग्यंक सहलह ब्याका वनेगु जुइ धयादिल ।
पुचःया लिउ दांभरिं पुनम महर्जनं लसकुस यानादीगु ज्याझ्वलय् दुजः लक्ष्मी महर्जनं सुभाय् देछानादीष्ु खःसा छ्याञ्जे सरिता महर्जनं ज्याझ्वः न्ह्याकादीगु खः ।
LEAVE YOUR COMMENTS