न्हूदँ ११४३ हनेत समिति स्वन

येँ (नेपालभाषा टाइम्स)- नेपाल संवत् राट्रिय न्हूदँ समारोह समिति ११४३ नीस्वनेगु निंतिं म्हिगः नेपाः ब्याकेटय् छगू ज्याझ्वःया दथुइ १०६ म्ह दुजः दुगु न्हूदँ समारोह ११४३ नीस्वन । समारोह समितिया कार्यविधि कथं थीथी खलः पुचःया भेलां समिति नीस्वंगु खः ।

थथे ११४३ न्हूदँ न्यायेकेगु नितिं नीस्वंगु न्हूगु दुजः समितिं कन्हय् मुँज्या च्वनाः नेपाल संवत् राष्ट्रिय न्हूदँ समारोह समितिं ११४३ या न्हूम्ह नायः ल्यइगु खँ धाःगु दु ।

म्हिगःया भेला न्हूदँ समारोह समिति ११४२ या नायः नीरञ्जनरत्न शाक्यया सभापतित्वय् जुगु खः । नायः शाक्यं ११४२ न्हूगु दँय् दच्छियंकं समारोह समितिं याःगु ज्याया प्रगति विवरण न्ह्यब्वयादीगु खः ।

ज्याझ्वलय् न्हूदँ समारोह समिति सल्लाकार समितिया कजि तीर्थराम डंगोल, सल्लाहकार सुरेन्द्रबीर मालाकार ,नेपालभाषा मंकाः खलःया दांभरि गणेश साय्मि, नेवाः देय् दबूया न्वकु लिसें समारोह समिति व्यवथापन पुचःया दुजः उमेश स्थापित, गैर नेवाः पुचःया दुजः कृष्ण अर्यालपिं पाहांकथं झाःगु खःसा समारोह समिति ११४२ या ल्याःचाः समिति दांभरी अमृत ताम्रकारं न्ह्यब्वयादीगु दु ।