थिमि नगरपालिकाया मेयरयात अाक्रमण

थिमि- थिमि नगरपालिकाया मेयर मदनसुन्दर श्रेष्ठयात शनिवा सनिलय् सांघातिक अाक्रमण जूगु दु दु। वय्कया छेँ न्ह्यःने हे अाक्रमण जूगु खः । छेँय् दुहां वनेत्यंगु इलय् स्वम्हेसिनं अाक्रमण याःगु खँ प्रहरी धाःगु दु । अाक्रमणय् लाना वय्ंक: घा:पाः जूगु दु । अाक्ररमणकारीतयसं वयकः या गाडीइया न्हाय्कं नं तछ्याना थकूगु खँ धाःगु दु ।

घाःपाः जूम्ह मेयर श्रेष्ठयात म्हिगः हे मध्यपुर अस्पताल यंकूगु खः । उपचारय् संलग्न चिकित्सकतय्सं वयकः खतरामुक्त दुगु खँ धाःगु दु । वय्कया तुतिइ घाःपाः जूगु दु ।

वयकःयात छाय् अाक्रमण जूगु सीमदुनि धाःगु दु ।अाक्रमणकारीयात नं ज्वनेफुगु मदुनि ।

मेयर श्रेष्ठयात अाक्रमण याःम्हेसित तुरुन्त ज्वना कारवाही यायेत स्थानीयतसें माग याःगु दु ।