येँय् बैंकिंग अपराध अप्वल

येँ (नेपालभाषा टाइम्स)- येँय् दँय्दसं हे अपराधया घटना अप्वया वनाच्वंगु दु । आर्थिक दँ २०७७÷७८ य् थन ५,६६२ गू अपराधया घटना जूगु खःसा २०७८÷७९ य् थ्व ल्याः अप्वयाः ८,९७७ गू थ्यन । आव २०७९÷८० य् अझ नं अप्वयाः १३,४६४ गू थ्यंगु दु ।

येँया प्रहरी वरिष्ठ उपरीक्षक दानबहादुर कार्कीया कथं येँय् थौंकन्हय् बैकिङ कसुर व आर्थिक अपराध मुद्दा अप्वयाच्वंगु दु ।

येँय् थौंकन्हय् चेक बाउन्स, डलर हिला बी, चिट्ठां लाका बी, विदेश छ्वया बी धकाः ठगे याइपिं अप्वयाच्वंगु दु । आव २०७९-८० बैकिङ कसुरया जक ७,१०१ गू मुद्दा लाःगु खःसा अभद्र व्यवहारया २,८९४ गू, खुया यंकूगु ६४७ गू, ठगीया ४१४ गू, लागू वासःया ३६८ गू, आत्महत्यासम्बन्धी ३५७ गू व मिसा सम्बन्धी ३२६ गू मुद्दा लाःगु दु ।