बैंक ठगे याःगु द्वपनय् वज्राचार्य ज्वन

येँ (रासस) माछापुच्छ्रे बैंक डेढ करोड बराबरया दां ठगे याःम्ह छम्हेसित प्रहरींं ज्वंगु दु । नेपाल प्रहरीया केन्द्रीय अनुसन्धान ब्युरों थःगु हकभोग मदुगु जग्गाया नक्कली भ्वँ दयेकाः थःगु धकाः माछापुच्छ्रे बैंकया पुतलीसतक शाखां बरः तयाः १ करोड ४२ लाख तका त्यासा काःगु द्वपनय् कामपा २० वडा धोविधाराय् च्वनीम्ह अशोकहर्ष वज्राचार्ययात मंगलवाः ज्वंगु खः ।

ब्युरोया प्रहरी नायब उपरीक्षक श्याम ओलियां बैंकिंग कसूर मुद्दाया अनुसन्धानया झ्वलय् उच्च अदालत पाटनपाखें न्हय्न्हुया म्याद कयाः बैंकिंग कसुर तथा सजाय ऐन २०६४ कथं बुधवाः निसें अनुसन्धान जुयाच्वंगु खँ धयादीगु दु ।

रासस

च्वमिया मेमेगु

• सञ्चयकोषया निक्षेप स्वंगू खर्बं च्वय्
• अवैध फि लिकाइगु स्काभेटरयात कारवाही
• मरुसतः बछि ज्या सिधल
• थनिंनिसें पूर्वाधार सम्मेलन
• येँ–सिलगुढी बस सेवाया काँकडभित्ताय् विरोध