छात्रवृत्तिया परीक्षा
येँ (नेपालभाषा टाइम्स)- येँ महानगरपालिकां कक्षा ११ य् बीगु छात्रवृत्तिया नितिं वइगु साउन २० गते परीक्षा काइगु जूगु दु । थुकिया नितिं म्हिगःनिसें अनलाइन आवेदन चायेकूगु दु । महानगर अन्तर्गतया शिक्षा विभागं म्हिगः छगू सुचं जारी यासें शैक्षिक सत्र २०८०÷८१ या निंतिं छात्रवृत्तिया निंतिं म्हिगः सुथय् १० बजे निसें साउन १२ गते तक आवेदन चायेकूगु खः ।
शिक्षा विभागया कथं विज्ञान, व्यवस्थापन, मानविकी, शिक्षा, कानुन व प्राविधिक विषयसं छात्रवृत्ति परीक्षा जुइगु खँ धाःगु दु । परीक्षाय् १० तगिंया पाठ्यक्रमय् आधारित जुयाः सछिगू वहुवैकल्पिक वस्तुगत न्ह्यसः न्यनेगु खँ सुचनय् धयातःगु दु ।
LEAVE YOUR COMMENTS