पाःलाःद्यःया क्वाःपाःछेँ व २२ वडा भवनया शिलान्यास

येँ (नेपालभाषा टाइम्स) – तेबहाःया पाःलाः द्यःया क्वाःपाः द्यःछेँ स्यंल्ह्वनेगु निंतिं शिलान्यास जूगु दु । म्हिगः छगू ज्याझ्वःया दथुइ येँ महानगरपालिकाया मेयर विद्यासुन्दर शाक्यं शिलान्यास यानादीगु खः । संकटा संरक्षण समितिं ९९ लाख ३८ हजार ६२२ तका लागातय्क्वाः पाःछेँ पुनःनिर्माण यायेत्यंगु खः । थ्व क्वाःपाः छेँय् १७ औं शताब्दीइ दयेकूगु खः । थ्वयां लिपा ई.सं. १९३४ य् थुकिया पुनःनिर्माण जूगु अभिलेख दु ।

अथेहे म्हिगः हे तेबहालय् च्वंगु २२ वडाया न्हूगु भवन दयेकेगु निंतिं मेयर शाक्यं शिलान्यास यानादीगु दु। थ्व वडा भवन दयेकेगु निंतिं के एण्ड केजी रमिता कन्स्ट्रक्सनं ३ करोड २०लाख १४ हजार २१४ तका दयेकेगु टेन्डर लाकूगु खः ।