सहकारी पीडिततय् धर्ना

येँ (नेपालभाषा टाइम्स)- देय्न्यंकं च्वपिं सहकारी पीडित बचतकर्तातय्सं येँया फिब्व ख्यलय् धर्ना बिउगु दु । बचतकर्ताया ध्यबा अपचलन यानाः सहकारी व्यवस्थापक व सञ्चालकं ध्यबा लित मबिउगु धासें बचतकर्तातय्सं धर्ना बिउगु खः ।

सहकारी संस्थायात राष्ट्र बैंकं निगरानी व नियन्त्रणय् तयमाःगु, सहकारीया बचत ध्यबा लित बीमाःगु माग यासें सहकारी पीडिततय्सं फिब्व ख्यः निसे न्हू बानेश्वर तक ¥याली नं पिकाःगु खः ।

लिपांगु इलय् देय्न्यंकंया सहकारी संस्थात समस्याग्रस्त जुयाः ध्यबा लित बी मफयेवं सञ्चालकत बिसिउँ वनेगु याना वयाच्वंगु दुसा थुकिं यानाः बचतकर्तातय् बिचल्ली जुयाच्वंगु दु ।