नेपाल बैंकया एफपीओ निसः तकां पित बीगु तयारी

येँ – नेपाल बैंकं लिमिटेडं निसः तका दामं हे एफपिओ पिकायेगु तयारी याःगु खँ धाःगु दु । बैंकं निसः दामं हे एफपिओ बीगु प्रस्ताव साधारण सभाय् यंकेगु तयारी यायेवं बैंकया आः दुगु शेयरया भावय् नं प्रभाव लाःवंगु दु । बुधवाः जूगु कारोवारय् नेपाल बैंकया शेयर भाः झिंप्यतका कुहां वःगु दु । मंगलवाः ३६० तकां बन्द जूगु नेपाल बैंकया शेयर आः एफपिओ पिहां वइगु जुइवं बुधवाः झिंप्यतका कुहां वयाः ३४६ तका थ्यंगु खः ।

एफपिओ पिहां वइगु जुइवं थुकिया शेयर मीपिनि हूल खनेदुगु खः । बुधवाः जक नेपाल बैंकया ५ करोड १८ लाख कित्ता शेयर कारोवार जूगु खः ।
बुधवाः दकलय् अप्वः ध्यबा कारोवार नेपाल बैंकया जूगु खः । भाः कुहां वयेवं न्याइपिं नं यक्व खनेदयावःगु खः । नेपाल बैंकं छगू करोड ७६ लाख कित्ता शेयर एफपिओ निष्काशन यानाः थप यायेत्यंगु खः ।