थँहिति मानन्धर गुथिया न्हूधाः

येँ(नेपालभाषा टाइम्स)- थँहिति मानन्धर गुथिया आः नकतिनि जूगु छगू भेलां गुथिया न्हूगु ज्यासना पुचः ल्यःगु दु । थँहितिस्थित गुथिया थःगु त्वाःछेँय् जूगु भेलां सुवर्णमान मानन्धरया अध्यक्षताय् गुथिया न्हूगु ज्यासना पुचः ल्यःगु खः ।

सुवर्णमानया अध्यक्षताय् ल्यःगु न्हूगु ज्यासना पुचलय् डा. त्रिरत्न मानन्धर (गल्कोपाखा) व लक्ष्मीदास मानन्धर (थँहिति) न्वकु, गौतम मानन्धर (क्वाःबहाः) छ्याञ्जे, सुवर्ण मानन्धर (धल्को) लिउछ्याञ्जे, केशरबहादुर माानन्धर (डल्लु) दांभरिं व राजेन्द्रप्रसाद मानन्धर (धोविचौर)यात लिउ दांभरिं ल्यःगु दु ।

अथे हे दुजलय् रामहरि मानन्धर (थँहिति), सागरबुद्ध मानन्धर (पकनाय्ज्वः), राजु मानन्धर (वनस्थली), श्याम मानन्धर (धल्को), सुरज मानन्धर (थँहिति), द्वारिका मानन्धर (छत्रपाति), सुरेश मानन्धर (धल्को), प्रकाश मानन्धर (धिमेल्वहं) व सुजल मानन्धर (थँहिति)यात ल्यःगु दु । नीछम्हेसिया ज्यासना पुचलय् ज्यासना पुचःया मुँज्या च्वनाः न्याम्ह दुजःपिं लिपा मनोनित याइगु खँ धाःगु दु ।