थौं भोटो क्यनीगु

यल (नेपालभाषा टाइम्स)÷बुंगद्यः जात्राया झ्वलय् थौं जावलाख्यलय् भोटो क्यनीगु जात्रा जुइत्यंगु दु । थौं बुंगद्यःया रथय् भोटो क्यनेधुंकाःलि जात्रा नं क्वचाइ । थौं जात्राया झ्वलय् स्वनिगलय् सार्वजनिक बिदा नं बियातःगु दु । भोटो क्यने क्वचायेवं बुंगद्यःयात रथं क्वकयाः खतय् तयाः बुंगय् तुं लित यंकी । नापं जात्रा याइम्ह चाकबहाःद्यःया रथ धाःसा चाकबहाः तक हे सालाः द्यः क्वकाइ ।
थिमिइ करुणामय जात्रा ः
थौं थिमिइ पद्मपाणी लोकेश्वरया नं जात्रा याइगु जूगु दु । स्थानीय जनतां लोकनाद्यः व सिथिद्यः नं धाइम्ह लोकेश्वरयात खतय् तयाः बालकुमारी तक चाःहीकाः जात्रा याइगु खः ।
थौं सिथि नखः
दँया अन्तिम नखः सिथि नखः थौं न्यायेका– च्वंगु दु । थौं देपुजा मदुपिनि नं देपुजा न्यायेकी । थनिंनिसें गथांमुगः चः¥हे तक आः मेगु नखःचखः वइ मखु ।