मेलम्ची लः वितरणया निंतिं केयुकेएलया तयारी

येँ (नेपालभाषा टाइम्स) – बहुप्रतिक्षित मेलम्चीया लः स्वनिगलय् गबले वइ धइगु छुं ठेगान मदुनि । मेलम्चीया लः वितरण यायेगु छुं निश्चित मजूसां वितरणया योजना धाःसा तयार याःगु दु । काठमाडौं उपत्यका खानेपानी लिमिटेड (केयुकेएलं) स्वनिगलय् मेलम्चीया लः वितरणया निंतिं योजना तयार याःगु दु। केयुकेएलं मेलम्चीया लः वयेवं प्रभावकारी रुपं वितरण यायेत योजना तयार याःगु खः ।

मेलम्चीया लः येँय् वयेवं वितरण यायेगु इलय् न्यंकंभनं जुइ फइगु चुहावट गुकथं पनेगु धइगु योजना तयार यानाः उकियात कार्यान्वयन यायेगु अवस्थाय् वनाच्वनागु जानकारी बिउगु दु । अथे हे मेलम्चीया लः वयेधुंकाः वये फइगु चुनौति पहिचान व समाधानया निंतिं छु यायेगु धइगु नं तयारी यानाः न्ह्याः वनाच्वनागु केयुकेएलं न्ह्यथंगु दु।

केयुकेएलया सीईओ मिलन शाक्यं स्वनिगलय् मेलम्चीया लः वितरण यायेत तालिका दयेके धुंगु व उकी मन्त्रालय व बोर्ड नं सहमत जुइधुंकूगु जानकारी बियादिल । थौंकन्हय् स्वनिगलय् लः वितरण जुयाच्वंगु पाइप सलंसः दँ पुलांगु जूगुलिं आपालं चुहावट जुइगु सम्भावना दु धासें वय्कलं थुकियात पनेत माःगु सामग्री न्यायेगु ज्या नं न्ह्यःने न्ह्याके धुंगु जानकारी बियादिल ।

केयुकेएलं मेलम्चीया लः वयेधुंकाः अप्वः चुहावट जुइ फइगु धासें उकियात पनेगु निंतिं नियमित मर्मत यायेगु ल्याखं नं तयारी न्ह्याकूगु दु ।

सम्बन्धित बुखँ

LEAVE YOUR COMMENTS