राष्ट्रिय कविता महोत्सवय् मांभासं नं कविता दुथ्याकेफइगु

येँ (नेपालभाषा टाइम्स)÷ नेपाल प्रज्ञा प्रतिष्ठानं ६६क्वःगु बुन्हिया लसताय् राष्ट्रिय कविता महोत्सव याइगु जूगु दु । थुगुसी महोत्सवय् ब्वति कायेगु निंतिं थःगु मांभासं च्वयाः नं ब्वति कायेफइगु खँ प्रतिष्ठानं धाःगु दु ।

थ्वयां न्ह्यः महोत्सवय् खस नेपाली भासं जक कविता छ्वयेमाःगु प्रावधान दयाच्वंगु खः । थुगुसी मांभासं नं कविता छ्वया हयेफइगु व्यवस्था याःगु खःसा मांभासं छ्वयाहःगु कविता धाःसा अनुवाद यानाः छ्वयेमाः ।

महोत्सवया निंतिं कविता जेठ २० गते तकया दुने दुथ्याकेमाःसा दकलय् बांलाःगु झिपु कवितायात महोत्सवया इलय् वाचन याकी । वाचनया निंतिं ल्यःगु कविता छपुयात झिंन्याद्वः तका व कदरपत्र बीगु खँ प्रतिष्ठानं धाःगु दु ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु