संसद भवनय् कडा सुरक्षा

येँ- थौं बिहीवाः च्वनीगु प्रतिनिधिसभाया बैठकय् एमसीसीयात कयाः सहलह जुइगु जूगुलिं थौं संसद भवनय् सुरक्षा व्यवस्था कडा याःगु दु । थौं च्वनीगु बैठकया इलय् संसद भवनयात केन्द्रित यानाः प्रदर्शन जुइ फइगु जूगुलिं संसद भवन पिने कंया बार तःगु दु । थौं एमसीसीया विरोध याना वयाच्वंगु थीथी राजनीतिक पार्टीया भातृसंगठनतय्सं विरोध प्रदर्शनया ज्याझ्वः तयातःगु दु ।

वंगु आइतवाः संसदय् एमसीसी टेबल जुइवं माओवादी, नेकपा एस, राष्ट्रिय् प्रजातन्त्र पार्टी लिसे थीथी कम्युनिष्ट घटकया कार्यकर्तातय्सं बानेश्वरय् प्रदर्शन याःगु खःसा उगु प्रदर्शनया झ्वलय् निगू पक्ष दथुइ ल्वापु जुयाः आपालं मनूत घाःपाः जूगु खः । झडपया झ्वलय् प्रहरीं प्रदर्शनकारीतय्त रबरया गोलीं कयेकेगु लिसें भीड नियन्त्रण यायेत टियर ग्यास व लःया फोहोरा छ्वाकूगु खः ।

सम्बन्धित बुखँ

LEAVE YOUR COMMENTS