लिटिल नेवाःया उपाधि सुज्योतियात

येँ(नेपालभाषा टाइम्स)- नेप्लिज फेसन होमया ग्वसालय् छुं दिं न्ह्यः जूगु मिस लिटिल नेवाः–११४३ या उपाधि सुज्योति डंगोलं त्याकादीगु दु । थनया राष्ट्रिय नाचघरय् जूगु लिपांगु कासाय् गुंगू तगिमय् ब्वनाच्वनादीम्ह सुज्योतिं उपाधी लिसें नीन्याद्वः तका दां नं ल्हातय् लाकूगु दु । उपाधी त्याकेत ताःलाःम्ह डंगोलयात मिस लिटिल नेवाः ११४२ या विजेता सलिनां क्राउन पुइकादीगु खः ।

कासाय् सफिना श्रेष्ठ फस्ट रनरअप व गृष्मा राजचल सेकेन्ड रनरअप जुइत ताःलाःगु दु । श्रेष्ठं झिंन्याद्वः व राजचलं झिद्वः तका ल्हातय् लाकेत सफल जूगु दु ।

थुगुसी जूगु १४ औं संस्करणया कासाय् १२ औं संस्करणया फस्ट रनरअप लिसें सोसियल एम्बेसडर चीफया उपाधी त्याकादीम्ह लुँस्वां मानन्धरयात थःगु मांभाय्, कला, संस्कृति च्वन्ह्याकेत नच्चागु उमेरनिसें सक्रिय जुयाच्वंगुया कदर यासें ‘मिस लिटिल नेवाः विशेष सम्मान लःल्हाःगु खः ।

कासाय् विजयी जुयादीपिंत भीमेश्वर नगरापालिकाया प्रमुख ईश्वर मानन्धर फेसन होमया हेमा मानन्धरपिंसं थीथी सिरपाः लःल्हानादीगु खः ।

सम्बन्धित बुखँ

LEAVE YOUR COMMENTS