देय् दबू ५ वडा कमिटी गठन

येँ(नेपालभाषा टाइम्स)(नेवाः देय् दबू येँ महानगर समिति अन्तर्गत ५ वडा कमिटी गठन याःगु दु । शनिवाः वडाय् लाःगु ऐतिहासिक नरःया तिसा मालेगु पुखुलिइ जूगु वडावासीया मुँज्यां ५ वडा कमिटी गठन याःगु खः ।

येँ महानगरपालिका ५ वडा सदस्यलिसें नेवाः मिसा दबू येँ जिल्ला नायः मिना प्रजापतिया विशेष उपस्थितिइ जूगु भेलां देय् दबू येँ महानगर ५ वडा कमिटीइ नायः शारदा महर्जन, न्वकु मय्जु सुमन महर्जन व गोविन्द प्रजापति, छ्याञ्जे सुरेन्द्र डंगोल, लिउ छ्याञ्जे गंगा महर्जन प्रजापति व दांभरिंलय् कृष्णमाया डंगोल ल्यःगु दुसा दुजलय् जमुना प्रजापति, शान्ति प्रजापति, पे्रममाया प्रजापति, शोभा महर्जन व दुर्गा डंगोल प्रजापति च्वनादीगु दु । झिंछम्हेसिया ज्यासना पुचलय् लिपा आवश्यकताकथं वडाया मेमेगु क्षेत्रपाखें नं प्रतिनिधित्व जुइकथं निम्ह दुजः थप यायेगु निर्णय याःगु दु ।

ज्याझ्वलय् ५ वडा सदस्य प्रजापति, देय् दबूया राष्ट्रिय परिषद्या दुजः उदेन न्हूसाय्मि, हलिं नेवाः दबू नेपाः देय् मू कवःया न्वकु रमेशमान मुनिकार, येँ महानगर कमिटीया नायः शोभा महर्जन वज्राचार्य, येँ महानगरया छ्याञ्जे अर्विन्द्रमान सिंह, दुजः किरोजमान सिंह, पिंसं देय् दबूया बारे जानकारी बीगु नापं थःथःगु नुगःखँ तयादीगु खः ।

ज्याझ्वलय् देय् दबूया केन्द्रीय दुजः सविता महर्जन मुनिकार, येँ महानगर न्वकुलिसें दथु लागा कवःया कजि शैलेश डंगोल, दुजः मिरा महर्जनया नं उपस्थिति दुगु खः ।