मुकेश शाक्यया ‘छंगु हे खँ ला खः’या म्युजिक भिडियो

येँ- नेपालभाषा सांगीतिक ख्यलय् लिपांगु इलय् म्युजिक भिडियो निर्माणया क्रमं तीव्रता कया हयाच्वंगु दु । थ्व हे झ्वलय् ज्योति म्युजिकं लिपांगु इलय् छपु न्हूगु म्युजिक भिडियो पित हःगु दु ।

ज्योति म्युजिकं युट्युब च्यानलपाखें सार्वजनिक याःगु म्युजिक भिडियो मुकेश शाक्यया सलय् दुथ्यानाच्वंगु ‘छंगु हे खँ ला खः’ म्येँ खः । थुगु म्येँ दर्शनवीर शाक्यं च्वयादीगु खःसा संगीत व संगीत संयोजन जुगल डंगोलं यानादीगु खः । थुगु म्युजिक भिडियोय् अमोघवीर वज्राचार्य, रञ्जना सितिखु, कृष्णशोभा उलक, मंजिल शाक्य, सुजाता शाक्य वज्राचार्य, जेनेन्द्र शाक्य, साजन शाक्य व मचाम्ह कलाकार दृष्टि शाक्यं अभिनय यानादीगु दु ।

म्युजिक भिडियोया छाँयाकनं अभिषेक शाक्यं यानादीगु खःसा निर्देशन विजन वज्राचार्यं व सम्पादन आकृष्ट शाक्यं यानादीगु खः ।