थौं नेवाःतय् मौलिक पर्व म्हपुजा

येँ – स्वन्ति नखःया झ्वलय् थौं देय्न्यंकंया नेवाःतय् म्हपुजा न्यायेकाच्वंगु दु । थौं बहनी नेवाःतय् छेँय् छेँय् मन्दः थानाः म्हपुजा याइ । म्हपुजा नेवाःतय्सं जक याइगु विशेष पुजा जूगु कारणं थुकियात सकल नेवाःया मंकाः पर्व कथं माने यानातःगु दु । दछियंकं ज्या यानाः बालीनाली दुकयाःलि ल्याःचाः पूवंकेधुंकाः मेगु दँय् नं थः थथे हे बांलाक, ल्वचं मपुंक, ताःआयु म्वाये फयेमा धइगु कामना यासें थःगु म्हयात थम्हं हे पुजा यायेगु मौलिक पर्वया रुपय् म्हपुजा हनेगु परम्परा दु । गैर नेवाःतय् धाःसा थौं गोवर्धन पुजा धकाः माने याइ ।

स्वन्ति नखःया म्हिगः लक्ष्मीपुजा हनेगु ज्या जूगु खः । कन्हय् किजापुजा माने याइ । कन्हय् लानिपुखू नं सर्वसाधारणया लागिं चायेकी ।

नेपालभाषा टाइम्स

च्वमिया मेमेगु

• जनकवि दुर्गालाल श्रेष्ठया नामं चोक
• महानगरं स्वम्ह नेवाः हस्तीयात हनीगु
• खुसि सिथया मापदण्ड स्थगित
• ज्यापु दिवसया लसताय् सुकुन्दा र्‍याली
• मस्तय् अनलाइन जोखिमपाखें सुरक्षित यायेत सरकार प्रतिबद्ध