यलया चन्द्र सूर्य पुस्तकालयया स्वर्ण महोत्सव
यल(नेपालभाषा टाइम्स)-कुति सौगः त्वालय् च्वंगु चन्द्र सूर्य पुस्तकालयं थःगु स्वर्ण महोत्सवया समापन छगू ज्याझ्वः यासें हंगु दु । दछियंकं थीथी ज्याझ्वः यासें स्वर्ण महोत्सव हंगु पुस्तकालयं महोत्सव समापन ज्याझ्वलय् थीथी व्यक्तित्वपिंत हनेज्या नं याःगु खः ।
वाङ्मय शताब्दी पुरुष सत्यमोहन जोशीया किपाय् स्वां देछासे न्ह्याःगु ज्याझ्वः पुस्तकालयया अध्यक्ष राजेश चित्रकारया सभपातित्वय् जूगु खः । भोलध्वाखाय् च्वंगु ज्यापु समाजया भवनय् जूगु ज्याझ्वलय् मूपाहांकथं झायादीम्ह यल क्षेत्र नं. २ या प्रतिनिधिसभा सदस्य पे्रमबहादुर महर्जनं पुस्तकालयपाखें स्वर्ण महोत्सवया लसताय् पिथंगु लुमन्ति पौया पितब्वज्यालिसें पुस्तकालयया संस्थापक, पूर्व पदाधिकारीव दुजःपिं नापं थीथी ज्याझ्वलय् ग्वाहालि यानादीपिंत हनेज्या नं यानादीगु खः ।
ज्याझ्वलय् विशेष पाहांकथं बागमति प्रदेशसभा सदस्य रामकृष्ण चित्रकार व पाहांकथं यल महानगरपालिका ८ वडाअध्यक्ष बाबुरत्न महर्जन, १२ वडाअध्यक्ष नारायणलाल अवाले, पुस्तकालयया संस्थापक नायः रत्नमान चित्रकार, सल्लाहकार सनप्रकाश चित्रकारपिं झायादीगु खः ।
उगु इलय् पे्रम महर्जनं च्वयादीगु, सुमन कपालीं लसय् हनादीगु ख्यालिजुजु मदनकृष्ण श्रेष्ठ व रत्नशोभा महर्जनं सः बियादीगु पुस्तकालया म्येँ व नरेन्द्र प्यासी व सुरजवीर वज्राचार्यं सः बियादीगु दुव्र्यसन विरुद्धया जनचेतनामूलक म्येँया नं पितब्वज्या याःगु खः ।
ज्याझ्वलय् रत्नशोभा महर्जन, भूपेन्द्र बज्राचार्य, सुरजवीर बज्राचार्य, रीता महर्जन, रविन्द्रवीर शाक्य, जितेन्द्र नकर्मी लगायतया कलाकारं सांगीतिक ज्याझ्वः न्ह्यब्वयादीगु खःसा लूनिभा महर्जन, कृतिश महर्जन, इभा महजृन, एन्जेल महर्जन, कृपा महर्जन, सक्षम महर्जन, रचना कारञ्जित महर्जन, आर्यान महर्जन, निर्भिक महर्जन, काब्या महर्जनं हुलाप्याखं न्ह्यब्वयादीगु खः ।
LEAVE YOUR COMMENTS