बाखं च्वमि गोविन्दमान श्रेष्ठ मंत
ख्वप(नेपालभाषा टाइम्स)÷ नांजाःम्ह बाखंच्वमि लिसें विराट नेपालभाषा साहित्य सम्मेलन गुथिया पुलांम्ह नायः गाविन्दमान श्रेष्ठ म्हिगः सुथय् मंत । ताःई न्ह्यवंनिसें उसाँय् मदयाच्वंम्ह वय्कः येँया टिचिङ अस्पतालय् वासः याकुयाकुं म्हिगः सुथय् मदुगु खः ।
वंगु शनिवाः तिनि वय्कःया न्हूगु बाखं सफू ‘समुद्र मन्थन’ विमोचन जूगु खः । वय्कः उसाँय् मदयाः उगु ज्याझ्वलय् सहभागी जुयादी मफुगु खः ।
थःगु सफू विमोचन जुयाः निन्हु लिपा हे वय्कः मदुगु खः । वय्कःया मेगु बाखं सफू ‘आस्थाया सिपाइँ’ छुं दँ न्ह्यः पिहां वःगु खः । म्हिगः हे पशुपति आर्यघाटय् वय्कःया अन्त्येष्टि याःगु दुसा व स्वयां न्ह्यः अन हे शोकसभा नं याःगु खः ।
LEAVE YOUR COMMENTS