श्रीलंकालिसे म्हाइपुक बराबरी

येँ- झिंस्वक्वःगु दक्षिण एशियाली कासा (साग) अन्तर्गत मिजं फुटबल कासाय् नेपालं श्रीलंकालिसे १–१ गोलया बराबरी म्हितल । म्हिगः जूगु कासाय् नेपालं न्हापांगु हाफय् १–० गोलं अग्रता काःगु खः । नेपालं कप्तान सुजल श्रेष्ठया गोलं अग्रता काःगु खः । श्रीलंकाया कासामिं  नेपाःया कासामियात डीबक्स दुने फाउल प्रहार यायेवं नेपाःयात पेनाल्टीया अवसर वःगु खः । कप्तान सुजलं कासाया ३६ औं मिनेटय् प्राप्त पेनाल्टीयात सदुपयोग यासें नेपाःयात अग्रता बिउगु खः ।
निगूगु हाफया अन्तिम इलय् तक नं विजयया न्ह्यःने थ्यनेधुंकूगु नेपाः इन्जुरी टाइमय् वयाः बराबरीइ चित्त बुझे यायेत बाध्य जूगु खः । श्रीलंकां इन्जुरीय टाइमय् गोल यानाः कासायात बराबरीइ हःगु खः ।
नेपाःया गोलरक्षक विकास कुथु घाःपाः जुइवं ८ मिनेट कासा थप जूगु खः । नेपाः कप्तान सुजलं थुकियालिसें जारी सागय् स्वंगू गोल यायेधुंकूगु दु । श्रीलंकालिसे बराबरी लिपा नेपाःया ४ अंक जूगु दु । थ्व स्वयां न्ह्यः नेपालं भुटानयात ४–० गोलं बुकूगु खः ।

सम्बन्धित बुखँ

LEAVE YOUR COMMENTS