मोहनि नखःयात जुरी अवार्ड

येँ(नेपालभाषा टाइम्स)- ड्रिमवल्र्ड अफ फिल्म मेकर्स प्रा.लि.या ग्वसालय् ‘सोसियल मिडिया फिल्म अवार्ड–२०७८’ जुल । नेपाःया हे न्हापांम्ह मिसा क्यामरापर्सन शवनम मुखियाया प्रा.लिं ग्वसाः ग्वःगु अवार्ड ज्याझ्वलय् थीथी २२ गू विधाय् अवार्ड लःल्हाःगु खः ।

ज्याझ्वलय् माओवादीया द्वन्द्वकालीन बाखंया लिधंसाय् दयेकातःगु ‘बेलुन’ नांया चीहाः संकिपां सर्वोत्कृष्ट अवार्ड त्याकेत ताःलाःगु खः । उत्कृष्ट युट्युब भिडियो, उत्कृष्ट निर्देशक, उत्कृष्ट अभिेनता, उत्कृष्ट अभिनेत्री, उत्कृष्ट सम्पादक, ध्वनि संयोजक, भ्लग आदि थीथी २२गू विधाय् अवार्ड लःल्हाःगु ज्याझ्वलय् आदिवासी जनजातिपाखे लिम्बु भाय्या ‘क’ व सुरेश खड्गीं निर्देशन यानादीगु ‘मोहनि नखः’यात जुरी अवार्ड लःल्हाःगु खः ।

ज्याझ्वलय् नेपाःया न्हापांम्ह नायिका भुवन चन्द, नांजाःम्ह कला निर्देशक निर्जल श्रेष्ठ व पत्रकार पारसमणि पौडेलयात १५,५५५÷ तका दांलिसें हनेज्या नं याःगु खः ।
अवार्डया निंतिं १२० गू चीहाः संकिपा व वृत्तचित्र दुहां वःगु ग्वसाः खलकं जानकारी बिउगु दु ।

अवार्डया निंतिं दुहां चीहाः संकिपा व वृत्तचित्रपाखे वरिष्ठ फोटोग्राफर राजभाई सुवाल, निर्देशक प्रण लिम्बु, संचारकःमि आरती चटौत, आदिवासी जनजातिया संकिपा विधाय् वरिष्ठ सिने पत्रकार विजयरत्न असंबरे, प्रणय लिम्बु व म्येँ च्वमि भूमिका सुब्बा निर्णायकमण्डलय् च्वनादीगु खः । ज्याझ्वलय् निर्णायकमण्डलपाखें राजभाई सुवाल व प्रणय लिम्बुं नुगःखँ तयादीगु खः ।

नेपालभाषा टाइम्स

च्वमिया मेमेगु

• संविधान संशोधनया निंतिं नेवाःतपाखें सुझाव
• बौद्ध विद्वानलिसें चचा प्याखं गुरु वज्राचार्ययात तःजिगु हना
• लिपि गुथिया रञ्जना लिपि किपा च्वज्या कासा
• विराटया चिधं दबुलिइ प्रदीप शाक्य
• ‘भाषा ऐन हयेत पाय्‌छिकथं ज्या जुयाच्वंगु मदु’