ग्याँसया भाः थिके जुयाः वल

येँ (नेपालभाषा टाइम्स)- भारतं जा थुइगु एलपी ग्यासया भाः प्रतिसिलिण्डर ३३९ तका थकयाः न्हूगु भाः छ्वयाहःगु दु । भारतीय आयल कर्पोरेशन (आईओसीं) निगमयात बाःछिया छक्वः न्हूगु भाः छ्वया हयेगु यानाच्वंगु दु । आः थहां वंगु भाः लिसें ग्यासय् निगमयात ६३५ तका द्यापं लाइगु जूगु दु ।

नेपालय् तत्काल ग्यासया भाः थमकायेगु खःसा बाःछिया दुने हे ९३ करोड तका नोक्सानी जुइगु खँ नं निगमं धाःगु दु । भारतं ग्यासया भाः थकयाः छ्वयाहःसां पेट्रोल व डिजेलया भाः धाःसा कुहां वःगु दु । निगमया कथं पेट्रोलय् १ तका २१ पैसा व डिजेलय् ५ तका ५ पैसा भाः कुहां वःगु खः ।