मानन्धर संघया न्हय्क्वःगु इहि मुना

येँ(नेपालभाषा टाइम्स)÷केन्द्रीय मानन्धर संघया ग्वसालय् न्हय्क्वःगु इहि मुना जुल । थनया कालिमातिइ च्वंगु लुमन्ति छेँय् उगु इहि मुना ज्याझ्वः जूगु खः । म्हिगः व थौं निन्हुयंकं जूगु इहि मुनाय् १७ म्ह मिसा मस्तय् इहि यायेगु ज्या जूगु संघं जानकारी बिउगु दु ।

इहि ज्याझ्वःया न्हापांगु दिं मस्तय्त लसकुस यानाः दुकायेगु नापं मोहनि सिन्हः तिकेगु, इहि पर्सि लःल्हायेगु ज्या याःगु खः ।
सांस्कृतिक परम्परायात निरन्तरता बीगु झ्वलय् संघपाखें वंगु गुदँ न्ह्यवंनिसें थुकथं मंकाः इहि मुना याना वयाच्वंगु खः । वंगु निदँ थुखे कोरोना संक्रमणया कारणं इहि ज्याझ्वः मजुल ।

नेवाः समाजय् इहि मिसा मस्तय्त याइगु छगू महत्वपूर्ण संस्कारकथं कयातःगु दु ।