योजना आयोगया पुलांम्ह उपाध्यक्ष शाक्य मन्त

येँ (नेपालभाषा टाइम्स) – राष्ट्रिय योजना आयोगया पुलांम्ह उपाध्यक्ष डा. रविन्द्रकुमार शाक्य मन्त । दि शाक्य फाउन्डेशनया सल्लाहकार वय्कः म्हिगः ७६ दँया वैंश नेपाल मेडिसिटी अस्पतालय् वासः झ्वलय् मदुगु खः । वय्कःयात कोरोना संक्रमण जूगु खँ धाःगु दु। डा. शाक्य तत्कालिन मन्त्रिपरिषद्या अध्यक्ष खिलराज रेग्मीया पालय् आयोगया उपाध्यक्ष जुयादीम्ह खः । अथेहे वय्कः विज्ञान तथा वातावरण मन्त्रालयया सचिव नं जुयादीधुंकूम्ह खःसा डा. रामशरण महत अर्थमन्त्री जुयादीबलय् वय्कःया प्रमुख आर्थिक सल्लाहकार नं जुयादीगु खः । चिनी ल्वय् व ब्लड प्रेसर ल्वय् लिसें जलास्येँया नं समस्या दुम्ह वय्कःयात वंगु कात्तिक २० गते कोरोना संक्रमण पुष्टि जूगु खः । मदुम्ह शाक्यया जहान लिसें स्वम्ह काय व छम्ह म्ह्याय् दी ।