एभरेष्ट फिल्म फेस्टिभलय् जामनः गुभाजु

येँ – एभरेष्ट इन्टरटेन्मेन्ट हङकङया ग्वसालय् जुइगु एभरेष्ट इन्टरनेशनल फिल्म अवार्डय् नेपालभाषाया ऐतिहासिक संकिपा जामनः गुभाजु मनोनयनय् लाःगु दु । थ्व हे वइगु जून ३० कुन्हु हङकङय् जुइगु न्हापांगु एभरेष्ट इन्टरनेशनल नेपाली फिल्म अवार्ड–२०१९ या निंतिं नेपालभाषाया उगु संकिपा मनोनयनय् लाःगु खः ।

मुक्कं नीच्यागू विधाय् अवार्ड लःल्हाइगु ज्याझ्वलय् दुथ्याःगु संकिपा नीन्यागू विधाय् खस भाय्या संकिपायात अवार्ड लःल्हाइगु व स्वंगू विधाय् आदिवासी जनजातिया संकिपायात अवार्ड लःल्हाइगु ग्वसाः खलकं जानकारी बिउगु दु । आदिवासी जनजातिया दकलय् बांलाःगु संकिपाय् नेपालभाषाया ‘जामनः गुभाजु’लिसें राई भाय्या ‘यारी’, तामाङ भय्या ‘आप्लेङ्गा ला नाम्सो’ गुरुङ भाय्या निगू ‘खै ओ म्हिथेवा’ व ‘म्ले क्यु’ दुथ्यानाच्वंगु दु ।

अवार्डया निंतिं दुथ्याःगु आदिवासी जनवातिया न्यागूमध्ये उत्कृष्ट छगू संकिपायात ‘वेस्ट फिल्म इन इन्डिजिनियस ल्यांग्वेज’या सिरपाः लःल्हायेगु छनोट कमिटीया कजि कलाकार सुनिल थापां कनादिल ।अवार्डया निंतिं संकिपा मनोनयन यायेत थापाया संयोजकत्वय् छगू छनोट कमिटी नं गठन याःगु खः । कमिटीय वरिष्ठ सिनेमाटोग्राफर गौरीशंकर धुँजु, वरिष्ठ सिने पत्रकार विजयरत्न असंबरे, नांजाःम्ह निर्माण प्रदीप उदय व नांजाःम्ह सिनेकःमि मनोज केसी दुथ्यानाच्वंगु दु ।

 

सम्बन्धित बुखँ

LEAVE YOUR COMMENTS