ने. सं. ११४४ कौलाथ्व सप्तमी - फूलपाती

सरोज व उर्मिलायात पंचवीर सिंह सिरपाः

येँ (नेपालभाषा टाइम्स)- साहु पंचवीर सिंह तुलाधरपाखें नीस्वनादीगु पंचवीर सिंह सिरपाःया घोषणा जूगु दु । बु.सं. २५६५ दुने नेपालभाषा टाइम्स न्हिपती पिदंगु बुद्धधर्मया च्वसुत मध्ये मिजं च्वमि सरोज मानन्धरया ‘बुद्धधर्मया सार छु खः?’ धयागु च्वसुयात व मिसा च्वमि उर्मिला ताम्राकारया ‘नेवाः बौद्ध धर्मय् ये धर्मा हेतुप्रभवा…..’ गाथाया प्रभाव धयागु च्वसुयात प्रदान यायेगु युवा बौद्ध समूहया मुँज्यां क्वःछिउगु खः । थुगुसी प्रा. प्रेमहिरा तुलाधर, धर्मसुन्दर बज्राचार्य व राजु शाक्यपिंपाखें प्रकाशित च्वसुया मूल्यांकन जूगु खँ युवा बौद्ध समूहं धाःगु दु ।