पासपोर्ट बीगु हे रोक्का

येँ (नेपालभाषा टाइम्स)÷सरकारं आः पासपोर्ट कायेगु ज्यायात अःपुकेगु जुइ धकाः सार्वजनिक घोषणा याःगु इलय् लाक्क हे परराष्ट्र मन्त्रालयया पासपोर्ट वितरण सम्बन्धी सिस्टम स्यंगु दु । थुकिं यानाः परराष्ट्र मन्त्रालयं पासपोर्ट इनेगु ज्या तत्कालया निंतिं बन्द याःगु दु । वंगु पुस १७ गतेनिसें विभागया सिस्टमय् समस्या वःगु धासें पासपोर्टया लागिं आवेदन स्टाटस स्वयेगु व पासपोर्ट इनेगु ज्या अवरुद्ध जूगु खः।

राहदानी विभागं थज्याःगु समस्या ज्यंकेगु निंतिं निरन्तर ज्या यानाच्वनागु व सिस्टम पूर्ण रुपं चले जुइत छुं ई काइ धासें आः मेगु सुचं जारी मजूतलेया नितिं थुपिं सेवा कायेत सुं नं विभागय् वये मते धाःगु दु । लिसें नियमित रुपय् पासपोर्ट आवेदनया नितिं अप्वाइन्टमेन्ट डेट बुक याःपिं सेवाग्राहीतय्त नं बुक याःगु न्हि कुन्हु बायोमेट्रिकया निंतिं विभागय् वयेत इनाप याःगु दु ।

छुं न्हि न्ह्यवंनिसें पासपोर्ट कायेत फाराम भरे याइपिं व पासपोर्ट कायेत विभागय् वइपिं सेवाग्राहीया भीड तसकं अप्वःगुलिं विभागया सिस्टम हे स्यंगु खँ धाःगु दु ।

नेपालभाषा टाइम्स

च्वमिया मेमेगु

• भाषासेवी विष्णु चित्रकार मंत, कन्हय् जगतसुन्दर ब्वनेकुथिइ अन्तिम श्रद्धाञ्जलीया निंतिं तइगु
• कुमारी छेँया त्वरं पुनर्स्थापना (भिडियाे रिपाेर्ट)
• बोस्टनय् सक्वया सम्पदाया चित्रकला ब्वज्या
• एनपीपीएया नायः पदय् शान्ति श्रेष्ठ
• समाजसेवी दिलबहादुर मानन्धर मंत