रासायनिक आक्रमण छानविन प्रस्तावय् रुसया भिटो

सिरियाया विद्रोहीतय् नियन्त्रणय् लानाच्वंगु डुमा नगरय् रासायनिक आक्रमण याःगु धासें थुकिया स्वतन्त्र छानविन यायेत अमेरिकां राष्ट्संघय् तःगु प्रस्तावयात रुसं भिटो तयाबिउगु दु । सुरक्षा परिषदय् रुसया भिटो लिपा आः अमेरिकां सिरियाय् सैन्य कारवाही याइगु सम्भावना अप्वया वःगु खँ विश्लेषकतय्सं धाःगु दु ।राष्ट्् संघया निंतिं अमेरिकी राजदूत निक्की हेली सिरियाविरुद्ध थःपिनिगु थ्व पलाः तसकं चीधंगु जक खः धयादीगु खः ।

डुमाय् सिरयाली फौजं याःगु आक्रमणया लिसः बीमाःगु खँय् अमेरिका लिसे बेलायत व फ्रान्स नं सहमत दु ।तर राष्ट््संघया निंतिं रुसी राजदूत भसिली नेब्यन्जियां सिरिया विरुद्ध छुं योजना दयेकाच्वनागु दुसा उकियात त्याग यायेत वाशिंगटनयात इनाप याःगु दु । थ्वहे दथुइ अमेरिकी राष्ट््पति डोनाल्ड ट््म्पं सिरिया विरुद्ध यायेगु कारवाहीलय् ध्यान केन्द्रीत यायेत ल्याटिन अमेरिकाया थःगु न्हापांगु भ्रमण हे रद्द यानादीगु दु ।

ह्वाइट हाउसं धाःगु दु, ‘सिरियायात कयाः अमेरिकां बीगु प्रतिक्रियाया अनुमोदन यायेत राष्ट्रपति ट्रम्प वाशिंगटनय् हे च्वनादी ।’
थ्वहे दथुइ विश्वब्यापी रासायनिक अस्त्रया निगरानी याइगु निकायं डुमाय् सत्यतथ्य पत्ता लगे यायेत छगू पुचः उखे छ्वयेगु खँ धाःगु दु ।सिरिया व वयात सैन्य ग्वाहालि याना वयाच्वंगु रुसं छानविन पुचःयात ग्वाहालि यायेगु धायेवं ओपीसीडब्ल्यूं पुचः छ्वयेगु खँ धाःगु खः ।सिरियाया स्वास्थ्यकर्मीतसं डुमाय् जूगु रासायनिक आक्रमणय् तःम्ह हे मनूत सीगु जानकारी बियाच्वंगु दु । तर उकिया पुष्टि धाःसा जूगु मदुनि ।