इराकय् अमेरिकी सेनायात आक्रमण

एजेन्सी÷ इराकया उत्तरय् च्वंगु एर्बिल अन्तर्राष्ट्रिय विमानस्थल नापसं च्वंगु अमेरिकी सेनाया क्याम्पय् ड्रोन आक्रमण जूगु दु । कुर्दिस सुरक्षा बलं इराकया कुर्दिस प्रान्तया राजधानीइ शनिवाः थ्व ड्रोन आक्रमण जूगु व थ्वसिबें न्ह्यः नं रकेट आक्रमण जूगु धाःगु दु । कुर्दिस सुरक्षा बलं ड्रोनय् विस्फोटक पदार्थ दुगु धाःगु दु । प्रत्यक्षदर्शीतय्सं धाःकथं खुक्वःतक विस्फोटया सः तायेदुगु खः । घटनाया जिम्मा सुनानं काःगु मदुनि ।

दछिया दुने एर्बिल अन्तर्राष्ट्रिय विमानस्थलय् तःक्वः हे आक्रमण जुइधुंकल । अमेरिकी अधिकारीतय्सं धाःकथं इराकया सिया समुदायया मुस्मातय्गु संगठनं आक्रमण यानाच्वंगु खः । इराकय् नीन्यासः अमेरिकी सैनिक दु ।