लुभुइ ‘गालय् वन’ क्यनेज्या

यल(नेपालभाषा टाइम्स)- थनया ऐतिहासिक नेवाः बस्ती लुभुइ वंगु शनिवाः नेपालभाषाया संकिपा ‘गालय् वन’ क्यनेज्या जुल । एस स्क्वायर इन्टरप्राइजेजया न्ह्यब्वया संकिपा क्यनेज्याय् मूपाहांकथं नेपाली संकिपा ख्यःया नांजाःम्ह नायक धिरेन शाक्य झायादीगु खः ।

स्थानीय कलाकःमि केबीएस लुभुया सभापतित्वय् जूगु ज्याझ्वःया उलेज्या मूपाहां नायक शाक्यं यानादीगु खः । उगु इलय् संकिपा क्यनेगु ज्याय् ग्वाहालि यानादीपिं मूपाहां शाक्यं सुभाय् पौ लःल्हानादिसें नेवाः संकिपाया विकासया निंतिं माःगु पलाः ल्ह्वनेगु बचं नं बियादीगु खः ।

लुभुया वरिष्ठ व्यक्तित्व रामप्रसाद श्रेष्ठं लसकुस यानादीगु ज्याझ्वलय् लोकंह्वाःम्ह कलाकार यमन श्रेष्ठं नं थःगु नुगःखँ तयादीगु खः । ज्याझ्वलय् वरिष्ठ कलाकार नरेन्द्र थापा, संकिपाया निर्देशक संयुक्त स्थापित, पुलांम्ह निर्माता देवेन्द्रमान जोशी, संकिपाया च्वमि पुरुषोत्तम पक्का चकलेट, नायक किरण जोशी, नायिका शोभा महर्जनया नं विशेष उपस्थिति दुउगु खः । संकिपाय् मूपाहां शाक्यं नं छपु म्येँय् अभिनय यानादीगु दुु