पुष्पनारायण मानन्धरया बिचाः मुँज्या

येँ – नेपाल मैत्री अध्ययन मण्डल (पुस्तकालय एवं वाचनालय)या पुलांम्ह नायः पुष्पनारायण मानन्धर मदुगु झिंस्वन्हुया तिथि लाकाः म्हिगः छगू बिचाः मुँज्या जुल । बिचाः मुँज्याय् पुस्तकालयया पुलांपिं व न्हूपिं दुजःपिं लिसें थँहिति ँवाःया थीथी व्यक्तित्वपिं पाखें वय्कःया किपाय् स्वांमां देछासें श्रद्धाञ्जली प्वंकूगु खः । पुस्तकालयया नायः दीपक मानन्धरया सभापतित्वय् जूगु ज्याझ्वः नांजाःम्ह कलाकार व निर्देशक गणेश साय्मिं न्ह्याकादीगु खःसा ज्याझ्वलय् पुस्तकालयया संरक्षक व पुलांम्ह सांसद लक्ष्मीदास मानन्धरं मदुम्ह पुष्पनारायण मानन्धरं पुस्तकालयय् यानादीगु देनया चर्चा यानादीगु खः । ज्याझ्वलय् प्राध्यापक सानुबाबु साय्मि, सह प्राध्यापक विजयलाल नरसिं, १७ वडाया पुलांम्ह वडाअध्यक्ष विजयबहादुर माली, पुस्तकालया पुलांम्ह सचिव जगतप्रसाद श्रेष्ठ व मदुम्ह मानन्धरया दाजु केशव साय्मिपिंसं न्ववानादीगु खः ।