चर्या नृत्यगुरु वज्राचार्ययात च्वाम्वः व थाय्पा लं लःल्हात
येँ(नेपालभाषा टाइम्स)÷ मेत्तागारपाखें अमेरिकाया पोर्टल्याण्डय् च्वँच्वनादीम्ह वरिष्ठ चर्या नृत्य गुरु प्रज्वलरत्न वज्राचार्ययात वहया च्वाम्वः व थाय्पा लं लःल्हाःगु दु । मेत्तागारया प्रमुख शान्तरत्न शाक्यं चर्या नृत्य गुरु वज्राचार्ययात उगु ज्वलं लःल्हानादीगु खः ।
पोर्टल्याण्डया नृत्य मण्डल महाविहारया प्रमुखतकं जुयाच्वनादीम्ह चर्या नृत्य गुरु वज्राचार्ययात वंगु विहीवाः पूर्णकाजी शाक्य (ताहाचः)या छेँय् च्वंगु भगवान बुद्धया मूर्ति न्ह्यःने छगू बःचाधंगु ज्याझ्वःया दगुइ च्वाम्वः व थाय्पा लं लःल्हनादीगु खः ।
मेत्तागारया प्रमुख शाक्यं लसकुस यासें शीलप्रार्थना व बुद्ध पुजा यानाः न्ह्याःगु ज्याझ्वलय् शाक्य महाविहार संघया महासचिव संघरत्न शाक्यं नुगःखँ तयादीगु खः ।
चर्या नृत्य गुरु वज्राचार्य तःदँ न्ह्यःनिसें पोर्टल्याण्डय् च्वनाः बौद्ध धर्म अध्ययन व अध्यापनय् क्रियाशील जुया वयाच्वनादीगु दु ।
LEAVE YOUR COMMENTS