ने. सं. ११४६ पाेहेलागा त्रयोदशी - भुकम्प सुरक्षा दिवस

मच्छेगामय् राष्ट्रिय लाखे प्रदर्शनी

येँ(नेपालभाषा टाइम्स)/चन्द्रागिरी नगरपालिकाया मच्छेगामय् म्हिगः राष्ट्रिय लाखे प्रदर्शनी जुल । नेपाल सांस्कृतिक कला मन्दिरया ग्वसालय् जूगु उगु प्रदर्शनी देय् न्यंकया स्वीन्यागुलिं मल्याक लाखे प्याखं प्रदर्शन जूगु खँ ग्वसाः खलकं धाःगु दु । ज्याझ्वलय् प्रदर्शन जूगु थीथी खलः पुचःयात हना–पौ लःल्हायेगु ज्या नं जूगु खः । थुकियालिसें ज्याझ्वलय् पिने जिल्लायापिंसं थःपिनिगु लागाय् नेवाः जातिया अस्तित्व न्हयनावनेत्यंगु जूगुलिं थःपिंसं फुकथं लाखे प्याखं स्यनावयाच्वनागु वा थुगु प्रदर्शनपाखें थःपिंसं नेवाः जातिया थीथी बाजंया बारे सीकाः उकीया नं प्रशिक्षण न्ह्याकावनेगु ख वःगु नं ग्वसाः खलकं जानकरी बिउगु दु ।
थगुने स्वयां थुपाले लाखे प्रदर्शनीया ल्याः अप्वःगु खँ कसें कन्हय्या दिनय् अझ व्यवस्थित रुपं थुगु प्रदर्शनया ज्या न्ह्याकावनेगु व नेवाः समाजया विकासया निंतिं फुगु ज्या यानावनेगु जानकारी नं बिउगु दु ।