दान्यहिरा सिरपाः स्थगित

येँ (नेपालभाषा टाइम्स)÷नेपालभाषा एकेदेमिं लःल्हाना वयाच्वंगु थुगुसीया दान्यहिरा सिरपाः स्थगित याःगु दुु । एकेदेमिया पुलांम्ह चान्सलरलिसें संरक्षक सत्यमोहन जोशी दिवंगत जुयादीगुलिं सिरपाः लःल्हायेगु ज्या स्थगित याःगु खः ।

वइगु कौलागा चः¥हे (कात्तिक ६ गते) आइतवाः उगु सिरपाः लःल्हायेगु ज्याझ्वः तयातःगु खः । वंगु आइतवाः वाङ्मय शताब्दी पुरुष जोशी १०३ दँया वैंशय् मदुगुलिं सिरपाः लःल्हायेगु ज्याझ्वः आःयात स्थगित यानागु एकेदेमिं जानकारी बिउगु दु ।

एकेदेमिं थुगुसी उगु सिरपाः भाषा, साहित्य व संस्कृतिया ख्यलय् ज्वःमदुगु योगदान बियादीम्ह एकेदेमिया संरक्षकतकं जुयाच्वादीम्ह वाङ्मय शताब्दी पुरुष जोशीलिसें सांगीतिक ख्यःपाखें नांजाःम्ह संगीतकार मनराजा नकःमि व विज्ञान प्रविधिया ख्यलय् डा. केशरीलक्ष्मी मानन्धरयात बीगु क्वःछिनातःगु खः ।

एकेदेमिं आःयात सिरपाः लःल्हायेगु ज्याझ्वः स्थगित व छुं ई लिपा लःल्हायेगु जानकारी बिउगु दु ।

सम्बन्धित बुखँ

LEAVE YOUR COMMENTS