हनुमानध्वाखा–स्वयम्भू सम्पदा मार्ग शिलान्यास

येँ(नेपालभाषा टाइम्स)- विश्वसम्पदाया धलखय् दुथ्यानाच्वंगु येँया निगू सम्पदायात दुथ्याकाः सम्पदा मार्गया शिलान्यास याःगु दु । विश्वसम्पदाया धलखय् दुथ्यानाच्वंगु पुरातात्विक सम्पदा क्षेत्र हनुमानध्वाखा लाय्कू व धार्मिक सम्पदा क्षेत्र स्वयम्भूयात स्वाकाः सम्पदा मार्गया शिलान्यास याःगु खः ।

संस्कृति, पर्यटन तथा नागरिक उड्डयन मन्त्री जीवनराम श्रेष्ठं वंगु आइतवाः सम्पदा मार्गया शिलान्यास यानादीगु खः । थनया मरु त्वालय् मरुसतःया लिउनेसं व मरु गणेद्यःया छेँ न्ह्यःने च्वंगु देगलय् सम्पदा मार्गया शिलान्यास यानादीगु खः ।

मन्त्री श्रेष्ठं कार्यभार ग्रहण यानादीगु इलय् हे थुपिं निगू सम्पदा क्षेत्रयात स्वानाः सम्पदा मार्ग निर्माण यायेगु न्हापांगु निर्णय यानादीगु खः ।
विश्व सम्पदाया धलखय् दुथ्यानाच्वंगु थुपिं निगू सम्पदा क्षेत्रया दूरी २ किलामिटर दु । सम्पदा मार्गया शिलान्यास लिसें उगु लागाया सतक, सम्पदा मार्गय् लाःगु सतः, फल्चा, मौलिक छेँखात निर्माण व पुनःनिर्माण यायेगु नं योजना दु ।

सम्बन्धित बुखँ

LEAVE YOUR COMMENTS