मनपां बाँसुरी धेंधेंबल्लाः याइगु

येँ (नेपालभाषा टाइम्स)÷ येँ मनपां वइगु मंसिर २७ गते महानगरस्तरीय बाँसुरी धेधेंबल्लाः याइगु जूगु दु । २९ क्वःगु महानगर दिवसया लसताय् महानगर स्वर्णिम योजना ‘सांस्कृतिक महानगर’ ज्याझ्वः कथं थ्व कासा जुइत्यंगु खः ।

मनपाया सम्पदा तथा पर्यटन विभाग प्रमुख अर्चना शाक्य श्रेष्ठया कथं थुकी ब्वति काइपिंत विभागं फारम इनेगु शुरु जुइधुंकूगु दु । दर्ता फारम त्वाः, गुथि वा संघ संस्थाया गुरु, कजि, नायःपाखें सिफारिस याकेमाः ।

ब्वति काइगु पुचलय् दकलय् अप्वः झिनिम्हेसिया नां दुथ्याके फइ । गुकी च्याम्हेसिनं बाँसुरी जक पुइ । लिसें फयाफछि स्वंगुलिं बाँसुरी दुथ्याकेमाः । मखुसा निगू कथंया बाँसुरी अनिवार्य दुथ्याकेमाः ।

थुगु धेधेंबल्लाः कासाय् न्हाप लाःम्हेसित १ लाख ५० हजार लिसें वहःया तपुगु बाँसुरी, लिउ लाःम्हेसित १ लाख नगद सहित मझौला बाँसुरी व लियां लिउ लाःम्हेसित ५० हजार नगद सहित वहःया चिपुगु बाँसुरी सिरपा बी । लिसे धेधेंबल्लाः ज्याझ्वलय् ब्वति काःपिं सकसितं झिद्वः तका प्रोत्साहन कथं बीगु व्यवस्था नं यानातःगु दु ।