बुद्ध विहार न्हूकथं दयेकीगु

येँ – तःभुखाचं क्षति जूगु भृकुटीमण्डल स्थित बुद्ध विहार हानं दयेकीगु जूगु दु । अथे हे ४ करोड तका खर्च यानाः नेपाःया मौलिक शैलीइ बौद्ध छेँ पहलं थ्व विहार दयेकीगु खँ विहार पुनर्निर्माण समितिया अध्यक्ष भिक्षु कोण्डन्यं कना– बिज्यात ।

न्हूगु भवनय् ३०० म्ह मनूत छक्वलं ध्यान याये छिंगु छेँ, पिनें वइपिं भिक्षुपिं च्वनेगु क्वथा, तालिम, गोष्ठी आदि यायेगु थाय्या तकं व्यवस्था जुइ । म्हिगः छगू ज्याझ्वःया दथुइ संघ उप– नायक ज्ञाणपूर्णिक महास्थविर लिसें थीथी व्यक्तिपिंसं भवनया शिलान्यास यानादीगु खः ।