ने. सं. ११४४ कौलाथ्व चौथी -

विराटय् हाकनं महेन्द्रगोपाल नायः

ख्वप(नेपालभाषा टाइम्स)- विराट नेपालभाषा साहित्य सम्मेलन गुथि (विराट गुथि)या नीछक्वःगु तःमुँज्या व न्यय्निक्वःगु जः दँमुँज्या वंगु शनिवाः जुल । तःमुँज्यां विराटया न्हूगु नेतृत्व नं ल्यःगु खः ।

गुथिया नायः महेन्द्रगोपाल कर्माचार्यया सभापतित्वय् जूगु ज्याझ्वःया उलेज्या गुथिया पुलांम्ह नायःलिसें वरिष्ठ साहित्यकार त्रिरत्न शाक्यं यानादीगु खः । ज्याझ्वलय् गुथिया सचिव पुष्पलाल तिमिलां वार्षिक प्रगति प्रतिवेदनलिसें आः वइगु दँया कार्ययोजना न्ह्यब्वयादीगु खःसा दांभरिं रामगोपाल चौगुथिं आर्थिक विवरण न्ह्यब्वयादीगु खः ।

नायः कर्माचार्यं थगुनेनिसें विराटया थःगु हे भवन निर्माण यायेगु ज्या न्ह्यानाच्वंगु व भवन निर्माणया निंतिं बागमति प्रदेश सरकार, गुथिया दुजःलिसें थीथी दातापिंसं ग्वाहालि यानाच्वंगु जानकारी बियादीगु दु । लिसें वय्कलं भवन पूर्ण रुपं निर्माण सम्पन्न मजूगुलिं थप ग्वाहालिया आवश्यक जूगु धासें ग्वाहालि यायेत नं इनाप यानादिल ।

दँमुँज्यां गुथिया न्हूगु ज्यासना पुचःया नं ल्यज्या याःगु खः । न्हूगु ज्यासना पुचलय् छम्ह दुजः लिपा तनेकथं झिम्हेसिया ज्यासना पुचः ल्यःगु खः । न्हूगु ज्यासना पुचलय् महेन्द्रगोपाल कर्माचार्य नायः, महेन्द्रलाल कायस्थ न्वकु, प्रदीपरत्न शाक्य छ्याञ्जे, रामगोपाल चौगुथि दांभरिं, सुलोचना सैंजू लिउछ्याञ्जे ल्यःगु दु । अथे हे दुजलय् हिरण्यप्रताप सांगामी, योगेन्द्रप्रसाद श्रेष्ठ, विजेन्द्रवीर कर्माचार्य, इन्द्रकुमार साखः व रत्नालक्ष्मी भैल च्वनादीगु दु ।

विराटया संस्थापक दृुजःलिसें पुलांम्ह नायः नरेन्द्रभक्त हाडा, लोकेन्द्र वज्राचार्य लगायतया साहित्यह्यमिपिगिु उपस्थिति दगुु खःसा न्हूगु ज्यासना पुचःयात निर्वाचन कमिटीया संयोजकलिसें पुलांम्ह नायः कृष्णभक्त बोडे व पुलांम्ह नायः वरिष्ठ साहित्यकार डा. योगेन्द्र प्रधानं भिंतुना बियादीगु खः ।