शीतल निवास न्ह्यःने आत्मदाहया कुतः

येँ (नेपालभाषा टाइम्स)- थःत बलात्कार याःम्हेसित सजायया माग यासें अनशन च्वनाच्वंम्ह निहारिका राजपुतं शुक्रवाः सनिलय् राष्ट्रपतिया भवन न्ह्यःने आत्मदाह यायेगु कुतः याःगु दु ।

राष्ट्रपति भवन शीतल निवास न्ह्यःने थ्यनेवं थःगु म्हय् पेट्रोल प्वंकाः आत्मदाह यायेत्यंम्ह राजपुतयात प्रहरीं ज्वनाः बचे याःगु खः । निहारिका छवाः न्ह्यव निसें बसन्तपुरय् अनसन च्वनाच्वंगु खः ।

राजपुतयात ज्वनाः आः शिक्षण अस्पताल यंकूगु दु । निहारिकां थः १९ दँ दुबलय् जनकपुरया शिवराज श्रेष्ठं थःत बलात्कार याःगु धासें थः निदँ दुम्ह काय वयागु हे जूगु दावी यासें डिएनए टेस्ट यानाः श्रेष्ठयात कारवाही यायेत माग याना वयाच्वंगु खः ।

सम्बन्धित बुखँ

LEAVE YOUR COMMENTS