थौं स्वांयाः पुन्हि, आन्तरिक ज्याझ्वः जक

येँ- थौं स्वांयाः पुन्हि । तर कोरोना महामारीया कारणं थौं सार्वजनिक रुपं गनं नं छुं कथंया ज्याझ्वः धाःसा मयाइगु खँ सीदुगु दु । अखिल नेपाल भिक्षु महासंघया महासचिव भिक्षु कोण्डन्य महास्थविरं कनाबिज्याः कथं थौं विहार विहारय् नियमित स्वयां छुं भचा थप बुद्ध पुजाया ज्याझ्वः जुइ तर पिनेयापिं धाःसा सुं नं दुमकाइगु खँ कनादिल । अथे हे छुं संस्थातय्सं भर्चुयल ज्याझ्वःत धाःसा यायेत्यंगु दु ।

स्वयम्भूइ धाःसा थौं आनन्दकुटी विहारया चैत्यय् तयातःगु बुद्धया अस्थिधातु छक्वः पिकायेगु व उकी श्रीलंकाया राजदूतपाखें दर्शन यानाः हानं दुने हे तुं तइगु खँ सीदुगु दु । भारतया इन्टरनेशनल बुद्धिष्ट कन्फरेन्सपाखें थौं छगू अनलाइन सम्मेलन यायेत्यंगु दु । उकी भारतया प्रधानमन्त्री नरेन्द्र मोदी लगायत नेपाःया प्रधानमन्त्री केपी ओलीया समेत सन्देशत पाठ याइगु ज्याझ्वःत दुगु खँ सीदुगु दु ।

सम्बन्धित बुखँ

LEAVE YOUR COMMENTS