‘रंग जिगु हिलावन’ म्युजिक भिडियो पिदन

येँ(नेपालभाषा टाइम्स)÷म्येँ हालामि रोशना तुलाधरया ‘रंग जिगु हिला वन’ म्येँया म्युजिक भिडियो पिहां वःगु दु । वंगु सोमवाः हाइलाइट्स नेपालपाखें उगु म्येँ सार्वजनिक याःगु खः ।

नांजाःम्ह संकिपा निर्देशक सुरेन्द्र तुलाधरया निर्देशनय् निर्माण जूगु म्युजिक भिडियोय् सुभाय् तुलाधर, अतिसा तुलाधर, लूनिभा तुलाधर व जुजु भाई तुलाधरं अभिनय यानादीगु दु ।

विजय, रोशना व सुभाय्या न्ह्यब्वया म्युजिक भिडियोया छाँयाकनं मुकेश हुमागाइँ नं यानादीगु खःसा हुलाप्याखंया निर्देशन भोगेन्द्र मानन्धरं यानादीगु खः।
म्युजिक भिडियोया म्येँ निर्देशक तुलाधरं च्वयादीगु खःसा नील शाक्यं लसय् हनादीगु खः । अथे हे संगीत संयोजन जिवित जल्मीं यानादीगु खः ।
म्येँ हालामि मय्जु तुलाधरं आतक च्यापु म्येँय् थःगु सः बियादीधुंकूगु दुसा उकीमध्ये प्यपु म्येँया म्युजिक भिडियो नं निर्माण जुइधुंकूगु दु ।

नेपालभाषा टाइम्स

च्वमिया मेमेगु

• ख्वनाया रुद्रायणी देगः बजेट अभावं अलपत्र
• असोज १३ निसें नोट हिले दइगु
• तोखाया धर्म संस्कृति सम्बन्धी सफू
• यःसिं हनुमानध्वाखा थ्यन
• देय दबूया स्वीक्वःगु बुसादँ हन